சமையல் தொடர்பான பிறமொழி சொற்களையும் அர்த் தங்களையும் சேகரிக்கத் தொடங்கியிருக்கிறார்
பிளான்சிங் (Blanching): காய்கறி அல்லது பழங்களை வெந்நீரில் முக்கி எடுத்து அதன் தோலை உரிப்பது பிளான்சிங்.
சாப்பிங் (Chopping): காய்கறிகளை துண்டங்களாக நறுக்குவது/ வெட்டுவது.
க்ரஷ்ஷிங் (Crushing): உலர்ந்த பொருட்களை தூளாக (மையாக அல்ல, ரவை மாதிரி) திரிப்பது.
டீப் ஃப்ரை (Deep fry): பண்டம் மூழ்கும் அளவு வாணலியில் அதிக எண்ணெய் ஊற்றி அதில் போட்டு சிவக்க பொரிப்பது.
கார்னிஷ் (Garnish): சமைத்த பொருட்களின் மேல் மற்ற காய்கறி களை வைத்து அலங்கரிப்பது. (உ.ம்: துருவிய கொத்தமல்லி இலை)
கிரேட்டிங் (Grating): துருவுவது. (உ.ம்: தேங்காய், கேரட்)
சாட் (Saute): எண்ணெயில் வதக்குவது.
நீட் (Knead): நீர் விட்டு சேர்த்துப் பிசைவது (உ.ம்: கோதுமை மாவு, மைதா)
மாஷ் (Mash): உருளைக்கிழங்கு போன்றவற்றை வேக வைத்து தோல் நீக்கி மத்தினாலோ கையினாலோ மசிப்பது.
மெல்ட் (Melt): திடப் பொருட்களை உருக்கி திரவமாக மாற்றுவது (வெண்ணெய் - நெய்).
மின்ஸ் (Mince): பெரிதாக உள்ள காய் அல்லது கறியை பொடிப் பொடியாக அரிவது.
பேஸ்ட் (Paste): நைசாக உள்ள மாவு பண்டங்களுடன் தண்ணீர் சேர்த்து குழைப்பது.
பீலிங் (Peeling): தோல் நீக்கும் கருவியால் பீராய்ந்து எடுப்பது.
சீசனிங் (Seasoning): தாளிப்பது.
ஷேலோ ஃப்ரை (Shallow fry): குறைந்த அளவே எண்ணெய் வைத்து சிவக்கவிடாமல் பொரித்தெடுப்பது.
சீவ் (Sieve): சலிப்பது.
ஸ்டர் (Stir): கிளறுவது.
அ-கிராடின் (Au-Gratin): ஒரு பண்டத்தை சாஸ், ரொட்டித்தூள், சீஸ் இவற்றால் மூடி வேக (ஆஹநிக்) வைப்பது.
பேஸ்ட் (Baste): உணவு தயாராகும் போதே உலர்ந்து விடாதிருக்க அதை சுற்றியிருக்கும் எண்ணெய் அல்லது அது வேகும் திரவத்தை கரண்டியால் எடுத்து அவ்வப்போது மேலே ஊற்றுவது. (சோமாசி முதலியன பொரிக்கும்போது வாணலியில் உள்ள சூடான எண்ணெயை கரண்டியால் அதன் மேல் வாரி ஊற்றுவது மாதிரி).
பேட்டர் (Batter): பல பொருட்களை ஒன்றாக கலந்து மாவு கரைப்பது (பஜ்ஜி மாவு, கேக் கலவை, இட்லி மாவு).
பிளெண்ட் (Blend): இரண்டு மூன்று சாமான்களை சீராக ஒன்றாக கலப்பது.
காரமலைஸ் (Caramelize): வெறும் வாணலியில் சர்க்கரை போட்டு நீர் சேர்க்காமல் சூடாக்கி உருக்கி பிரவுன் நிறம் வரும்வரை கொதிக்க வைப்பது. (டநூயுப் கேக் பிரவுன் நிறம் வருவதற்காக இது சேர்க்கப்படும்.)
கட் அண்ட் போல்ட் (Cut & Bold): கலவையை கையால் பிசையாமல் மழுங்கலான கத்தி அல்லது முள்கரண்டியால் சீராக கலப்பது.
டோ (Dough): கெட்டியாக பிசைந்த மாவு (சப்பாத்தி மாவு).
டைஸ் (Dice): சிறு துண்டங்களாக வெட்டுவது.
மாரினேட் (Marinate): காய்கறி, மாமிசம், மீன் போன்றவற்றை துண்டங்களாக வெட்டி மசாலாவில் பிசறி ஊற வைப்பது.
பார் பாய்ல் (Par boil): அரை வேக்காடாக வேக வைப்பது.
பியூரி (Puree): பழம், காய்கறி, இவற்றை மசித்த கூழ் (தக்காளி).
விப் (Whip): கடைதல் (தயிர், முட்டை).
விஸ்க் (Whisk): நுரை வரும் அளவுக்கு வேகமாக விடாமல் அடித்தல் (முட்டை உடைத்து ஊற்றி கேக்கிற்கு அடிப்பது போல).
டஸ்ட் (Dust): லேசாக ரொட்டித் தூள் அல்லது மைதா போன்றவற்றில் பண்டத்தை புரட்டி எடுப்பது.
கிரைண்ட் (Grind): அரைப்பது.
ஸ்டீம் (Steam): ஆவியில் வேக விடுதல்.
ஃபர்மென்டேஷன் (Fermentation): நுரை பொங்க புளிக்க வைப்பது.
பேக் (Bake): உலர் சூட்டினால் பொருட்களை வேக வைப்பது (கேக் செய்முறை).
கன்சோம் (Consomme): கெட்டிப்படாமல் நீர்த்துள்ள சூப்.
ட்ரெய்ன் (Drain): பண்டங்களில் இருந்து நீரை வடித்து எடுப்பது.
கம்பைன் (Combine): ஒரு பொருளுடன் இரண்டோ அல்லது அதிகமாகவோ சேர்ப்பது.
டிஸ்சால்வ் (Dissolve): கரைப்பது
கிரேவி (Gravy): சமைக்கும் பண்டத்தில் உள்ள குழம்பு வடிவம்.
ரோல் (Roll): பூரி, சப்பாத்திக்கு மாவை உருட்டி வைத்து குழவியால் திரட்டுவது.
ஸ்க்குவீஸ் (Squeeze): பிழிந்தெடுப்பது (எலுமிச்சை, சாத்துக்குடி போன்றவற்றை திருகித் திருகி சாறெடுப்பது மாதிரி).
சோக் (Soak): ஊறவைப்பது (தண்ணீரிலோ அல்லது மற்ற திரவ பொருட்களிலோ).
ட்ரெட்ஜ் (Dredge): மாவினாலோ அல்லது சர்க்கரையினாலோ செய்த பொருளை மூடுவது (கோட் செய்வது).
கிரீஸ் (Grease): கேக், பர்பி போன்ற கலவைகளை துண்டங்கள் போடுவதற்காக தட்டை நெய் தடவி வைப்பது.
சிம்மர் (Simmer): கொதி நிலைக்கும் கீழே சமைப்பது.
மிளகு, சீரகம், சோம்பு, ஏலக்காய் போன்றவற்றை வீட்டிலேயே இரண்டு வாரத்துக்கு ஒருமுறை மிக்ஸியில் பொடித்து வைத்துக் கொண்டால் வாசனையாய் சமைக்க உதவும். கடாயில் போட்டு வறுத்துக் கொண்டிருக்காமல், ஃபிரீஸரில் ஒரு நாள் முழுவதும் வைத்து நேரடியாக மிக்ஸியில் போட்டு சுற்றுங்கள். நிமிடத்தில் பொடித்து விடலாம்.
புலவ், குருமா, உருளைக்கிழங்கு, வாழைக்காய் வறுவல் இவற்றை சமைத்து முடிக்கும்போது சிறிது சோம்புப் பொடி, ஏலக்காய் பொடி தூவி இறக்கினால் மணமோ மணம். சப்பாத்திக்கு செய்யும் சைட் டிஷ்களுக்கும் இதே உத்திதான்.
No comments:
Post a Comment